Eitem Agenda

Derbyn cyflwyniad gan Gonsortiwm Addysg Canolbarth y De ar ganllawiau Gwella Ysgolion Llywodraeth Cymru: fframwaith ar gyfer gwerthuso, gwella ac atebolrwydd.  Bydd hyn yn cynnwys trosolwg o'r pwrpas a'r disgwyliadau sy'n codi o'r canllawiau newydd; crynodeb o newidiadau a goblygiadau; ac atebolrwydd dros ysgolion, y cyngor a'r Consortiwm.   

Dywedodd y Cadeirydd wrth y Pwyllgor fod yr eitem wedi rhoi cyflwyniad i'r aelodau gan Gonsortiwm Addysg Canolbarth y De ar Fframwaith Canllawiau Gwella Ysgolion Llywodraeth Cymru ar gyfer Gwerthuso, Gwella ac Atebolrwydd, gan gynnwys trosolwg o'r diben a'r disgwyliadau sy'n codi o'r canllawiau newydd, a chrynodeb o'r goblygiadau a'r atebolrwydd i ysgolion, y Cyngor a'r consortiwm.

Croesawodd y Cadeirydd y Cynghorydd Merry, y Dirprwy Arweinydd ac Aelod Cabinet dros Addysg; Melanie Godfrey, y Cyfarwyddwr Addysg a Dysgu Gydol Oes; a Geraint Lewis, Prif Swyddog Gwella Ysgolion Uwchradd ac Arbennig Caerdydd, a Kate Rowlands, Prif Swyddog Gwella Ysgolion Cynradd ac Arbennig Caerdydd, y ddau o Gonsortiwm Addysg Canolbarth y De.

Gwahoddodd y Cadeirydd Geraint Louise a Kate Rowlands i wneud cyflwyniad, lle gwnaethant ddarparu trosolwg a chrynodeb o oblygiadau - a’r newidiadau mawr sy’n ofynnal gan - ganllawiau Llywodraeth Cymru; rôl cyrff llywodraethu, awdurdodau lleol a chonsortia mewn atebolrwydd; llinell amser ar gyfer gweithredu; a chymorth cynlluniedig CCD.

Gwahoddodd y Cadeirydd y Cynghorydd Merry i wneud datganiad, lle mynegodd amheuaeth ynghylch y newidiadau o ran atebolrwydd a data.

Gwahoddodd y Cadeirydd Melanie Godfrey i wneud datganiad, lle pwysleisiodd y newid mewn diwylliant o atebolrwydd ar lefel ALl i gefnogi a chydweithio â phenaethiaid, ac y byddai atebolrwydd yn gorwedd llai gyda'r ALl a mwy gyda chyrff llywodraethu ysgolion ac Estyn. Mae'r canllawiau'n nodi'r rolau a'r disgwyliadau ar gyfer yr ALl ac mae angen i'r ALl ddatblygu rhaglen graffu berthnasol gyda'r Pwyllgor.

Gwahoddwyd yr aelodau i ofyn cwestiynau a gwneud sylwadau, ac mae’r drafodaeth wedi’i chrynhoi isod:

Mynegodd yr Aelodau y farn bod diffyg eglurder mewn rhai agweddau ar y canllawiau, yn enwedig ynghylch cyffredinrwydd a chymariaethau rhwng ysgolion, argaeledd cyhoeddus o ganlyniadau, a ffynonellau data.

Mynegodd yr Aelodau bryder ynghylch tryloywder ac atebolrwydd mewn perthynas â chyrff llywodraethu o dan y canllawiau.

PENDERFYNWYD:

Nodi’r adroddiad.