Manylion y mater

Mae Safon 145 Rheoliadau Safonau’r Gymraeg yn ei gwneud yn ofynnol i Gyngor Caerdydd lunio a chyhoeddi strategaeth 5 mlynedd sy'n nodi sut y byddwn yn hyrwyddo ac yn hwyluso'r defnydd o’r Gymraeg. Mae’r strategaeth hon yn cynnwys targed i gynyddu nifer y siaradwyr Cymraeg yng Nghaerdydd yn ogystal â chamau penodol i hwyluso defnyddio’r iaith i gefnogi Strategaeth y Gymraeg Llywodraeth Cymru, Cymraeg2050 i gael miliwn o siaradwyr Cymraeg erbyn 2050. 

Sefydlwyd y Strategaeth Caerdydd Ddwyieithog gyntaf ar gyfer 2017-2022. Mae’r strategaeth hon yn cynrychioli ei diwygiad cyntaf a bydd ar waith rhwng 2022 a 2027.