Eitem Agenda

Mae’r adroddiad hwn yn galluogi'r Pwyllgor i adolygu'r Cynllun Busnes i sicrhau ei fod yn mynd i'r afael â blaenoriaethau corfforaethol y Cyngor a gwella canlyniadau Plant sy’n Derbyn Gofal.

(a)  Bydd y Cynghorydd Sue Lent (Aelod Cabinet, y Blynyddoedd Cynnar, Plant a Theuluoedd a Dirprwy Arweinydd) yn bresennol ac efallai y bydd am wneud datganiad;

(b)  Bydd Tony Young (Cyfarwyddwr Gwasanaethau Cymdeithasol) yn cyflwyno’r adroddiad ac ar gael i ateb cwestiynau'r Pwyllgor;

(c)   Cwestiynau gan Aelodau’r Pwyllgor;

(d)  Ystyrir y ffordd ymlaen ar gyfer yr eitem hon ar ddiwedd y cyfarfod

Croesawodd y Cadeirydd y Cynghorydd Sue Lent, Aelod Cabinet ar gyfer y Blynyddoedd Cynnar, Plant a Theuluoedd, Tony Young, Cyfarwyddwr Gwasanaethau Cymdeithasol ac Irfan Alam, Cyfarwyddwr Cynorthwyol Gwasanaethau Plant i’r cyfarfod.

Gwahoddodd y Cadeirydd i Gyfarwyddwr Gwasanaethau Cymdeithasol gyflwyno Cynllun Cyflawni'r Gyfarwyddiaeth.  Dywedwyd wrth yr Aelodau bod y cynllun yn amlinellu busnes Craidd, deilliannau allweddol, dyheadau a chyflawniadau a bod perfformiad wedi gwella’n sylweddol yn y gyfarwyddiaeth yn ystod y flwyddyn diwethaf.

Gwahoddodd y Cadeirydd gwestiynau a sylwadau gan yr Aelodau:

• Gofynnodd yr Aelodau am eglurhad am nifer staff yr Asiantaeth sy'n gweithio yn y gyfarwyddiaeth; dywedodd y swyddogion fod y nifer wedi'i erydu'n flynyddol ond ni chyfeiriwyd at hyn yn benodol yn y cynllun; cytunodd y Swyddogion i roi'r ffigurau i'r Aelodau.

• Cyfeiriodd yr Aelodau at lefelau’r swyddi gwag a’r gronfa cyflogeion a gofynasant sut y byddai hyn yn gweithio'n ymarferol.
•   Esboniodd y swyddogion y câi’r swyddi eu llenwi ac y câi’r broses recriwtio ei pharhau, câi swyddi eu creu a’u llenwi o’r gronfa; byddai saith o weithwyr cymdeithasol gradd 7 yn y gronfa er mwyn gwasanaethu yn y Gyfarwyddiaeth Gwasanaethau Plant gyfan; byddant yn gweithio yn y tîm Derbyn ac Asesu i ddechrau gan fod trosiant y gwaith yn fwy, wedyn pan gaiff llwythi achos eu dyrannu iddynt, gallant drosglwyddo i’r adran berthnasol gyda’r llwyth gwaith hwnnw, sy’n ei wneud yn llai aflonyddgar i’r defnyddiwr gwasanaeth.
• Sylwodd yr Aelodau y cafodd y trosiant presennol ei nodi yn y r adroddiad fel sero, sylwyd mai gwall oedd hyn ac y câi’r ffigur cywir ei gyfleu i'r Aelodau.

• Trafododd yr Aelodau yr amser a gymerir i ysgolion gyfeirio plant i wasanaethau cymdeithasol a gofynasant a eid i'r afael â hyn yn cynllun cyflawni.
•   Ystyriodd y swyddogion fod y broses gyfeirio yn amserol a bod amserlenni rhagnodedig i lynu wrthynt, fodd bynnag weithiau mae'n bosibl y bydd ysgol yn ystyried bod cyfeiriad ar frys pan nad yw mewn gwirionedd, felly gallai oedi gael ei gamgymryd. 

Ychwanegwyd, yn y dyfodol y byddai’n rhaid gweithio gyda phartneriaid er mwyn deall y prosesau, ac y byddai gweithio gyda MASH a JAF yn gweithio; byddai angen i’r berthynas gydag ysgolion gael ei had-drefnu er mwyn bod yn fwy o ymagwedd partneriaeth.

• Trafododd yr Aelodau Strategaeth Teuluoedd yn Gyntaf ac ailadrodd gwahanol bryderon am drefniadau rheoli ac arwain wrth iddynt gael eu trosglwyddo o'r gymuned Wasanaethau Plant.  

Esboniodd y Swyddogion nad oeddent yn bwriadu gwneud unrhyw newidiadau, roedd y strategaeth yn rhagnodedig iawn a byddai’r sefyllfa bresennol yn parhau.  Ychwanegwyd y câi’r strategaeth ei halinio gyda’r Strategaeth Cymorth Cynnar.  Croesawodd y swyddogion y trosglwyddo i Wasanaethau Plant ac esboniasant y byddent yn gweithio gyda phartneriaid a sefydliadau'r Trydydd Sector er mwyn sicrhau bod y cynnig am Gymorth Cynnar cystal ag y gallai fod.  Ychwanegwyd y câi gwybodaeth ei rhannu gyda'r Pwyllgor mewn modd agored a thryloyw er mwyn sicrhau y caiff y swyddogion eu dal yn ymatebol.

Diolchodd y Cadeirydd i’r Aelod Cabinet, cynrychiolwyr o'r Consortia a swyddogion am fynychu’r cyfarfod, rhoi eu cyflwyniadau a'r datganiadau ac am ateb cwestiynau'r Aelodau.

CYTUNWYD - Bod y Cadeirydd yn ysgrifennu ar ran y Pwyllgor at yr Aelod Cabinet er mwyn cyfleu eu sylwadau a’u harsylwadau.