Eitem Agenda

·          

Gofynnodd yr aelodau a fyddai Rhaglen Dylanwadwyr Caerdydd yn cael ei defnyddio, ac os felly sut y byddent yn sicrhau ei bod mor gynrychioliadol â phosibl.  Dywedodd swyddogion ei fod yn gwneud hynny ar draws y rhaglen gyfan ar faterion o bwys penodol.  Mae'r Cyngor yn edrych tuag at gyflwyno cynllun hirdymor gyda set o egwyddorion i gefnogi'r rhaglen CTY. Mae gwaith yn cael ei wneud gyda gr?p o blant a phobl ifanc i'w diweddaru gyda materion sy'n ymwneud â'r rhaglen. Mae nifer o randdeiliaid a busnesau yn cefnogi'r gwaith.

·          

Gofynnodd yr aelodau a oedd swyddogion yn hyderus nad oedd llefydd gwag yn cael eu cynllunio o ran Ysgol Gynradd Pentyrch yn y tymor hwy. Dywedodd swyddogion bod Pentyrch yn bentref anodd i deithio iddi ac oddi yno gan ddefnyddio dulliau teithio llesol, serch hynny mae rhieni yn dewis gwneud hynny er mwyn cael mynediad at ddarpariaeth meithrin ac ysgol gynradd. Gydag amser bydd yr ysgolion CDLl newydd yn cael eu cyflwyno a bydd gostyngiad yn nifer y lleoedd gwag mewn ysgolion presennol.  Bydd y cynnig yn sicrhau y bydd ystod lawn o wasanaethau gan gynnwys addysgu meithrin a chynradd a gofal cofleidiol ar gael ar un safle.

·          

Cododd aelodau pryderon trigolion am barcio a thagfeydd yn ystod amseroedd gollwng a chasglu’r ysgol, a gofynnodd a oedd y Cyngor wedi archwilio'r posibilrwydd o ddefnyddio tir wrth ymyl yr ysgol ar gyfer parcio staff a rhieni sy'n gollwng a chasglu. Dywedodd swyddogion nad oedd ehangu safle'r ysgol wedi cael ei ystyried.  Y disgwyl yw y bydd cynllun Teithio Llesol yn cael ei ddatblygu.  Byddai parcio hefyd yn cael ei ystyried gyda datblygiad mawr.

·          

Nododd yr aelodau na fyddai cael cynllun Teithio Llesol ar waith o reidrwydd yn atal rhieni rhag gyrru i'r ysgol, yn enwedig y rhai sy'n byw mewn ardaloedd anghysbell. Fe ofynnon nhw a fyddai modd gwario arian Adran 106 ar ddatrysiad i faterion parcio. Dywedodd swyddogion bod Priffyrdd yn edrych ar Barcio a Chamu yn yr ardal. Cafodd yr aelodau eu cynghori bod y Cyngor yn gallu ceisio cronfeydd Adran 106 yn unol â'i Gynllun CDLl a Seilwaith cyhoeddedig a chanllawiau cynllunio atodol. Dan y canllawiau cynllunio addysg gellir hawlio arian Adran 106 lle gall y Cyngor ddangos bod angen llefydd ychwanegol. Yn yr achos hwn mae'r arian wedi'i glustnodi i ddarparu'r 70 lle ychwanegol ac mae'n dod yn uniongyrchol o ddatblygiad tai Goetre Bach.

·          

Gofynnodd yr aelodau pa mor hanfodol yw'r arian Adran 106 i'r ehangiad mewn mannau ym Mhentyrch, pa mor sicr ydynt a beth allai'r goblygiadau fod pe na baent yn cael eu gwireddu. Dywedodd swyddogion fod yr arian wedi ei dderbyn yn barod.