Eitem Agenda

·          

Gofynnodd yr Aelodau a oedd pob ysgol ffydd yn rhan o'r cynllun derbyniadau cydlynol a dywedwyd wrthynt fod dwy ysgol uwchradd nad oeddent eto'n rhan o'r cynllun er bod cytundeb wedi'i dderbyn gan un o'r ysgolion hynny ac y byddai trafodaethau gyda’r llall yn digwydd yn fuan. O ran ysgolion cynradd, roedd llond llaw o ysgolion nad oeddent yn rhan o'r cynllun eto.  Nododd yr Aelodau mai Corff Llywodraethu’r ysgol sy'n gyfrifol am y penderfyniad terfynol.

·          

Gofynnodd yr Aelodau am ragor o wybodaeth am 'symudiadau wedi'u rheoli’ disgyblion a'r adolygiad o ddalgylchoedd.  Cadarnhaodd swyddogion nad yw'r ddeddfwriaeth mewn perthynas â symudiadau wedi’u rheoli wedi newid, ond mae protocol mynediad teg ar waith sy'n caniatáu trefniadau, lle mae ysgolion yn llawn, lle gallant dderbyn disgyblion uwchben y nifer derbyn cyhoeddedig hwnnw mewn amgylchiadau arbennig o heriol.    Cadarnhaodd swyddogion, er bod angen adolygu dalgylchoedd ysgolion, fod angen datrys lleoedd Band B yn y lle cyntaf, nid oes dyddiad ar gyfer gwneud hynny wedi'i bennu eto ond bydd yn digwydd cyn gynted ag y bo modd.

·          

Cyfeiriodd yr Aelodau at Gynlluniau Datblygu Unigol (CDU) gan ofyn a oedd y ddarpariaeth ar gyfer y rhai ar Gweithredu gan yr Ysgol a Mwy neu a fydd ar gyfer y rhai â datganiad.  Rhoddwyd gwybod i'r Aelodau fod yr un trefniadau'n berthnasol i'r rhai sydd â datganiadau cyn belled â bod y datganiadau hynny'n dal i fodoli.   Byddant yn cael eu trosi'n Gynlluniau Datblygu Unigol maes o law, er nad yw Llywodraeth Cymru wedi cadarnhau eto pryd mae hynny'n debygol o ddigwydd.   Mae'r cod ADY newydd yn rhoi mwy o bwyslais ar bob ysgol yn gwneud cynnig cynhwysol da, felly yn y mwyafrif o achosion ni fyddai angen i chi enwi ysgol mewn CDU; gallai'r Awdurdod Lleol wneud hynny mewn amgylchiadau eithriadol, ond disgwylir y byddai hynny'n bennaf ar gyfer plant a oedd angen mynychu ysgol ag adnoddau.   Ni fydd gwahaniaeth rhwng yr hyn a arferai fod yn gweithredu gan yr ysgol ac ar ddatganiad; mae'n ddull cyfartal i bawb. Mae'r polisi derbyn yn cwmpasu'r ddwy system, oherwydd y cyfnod pontio presennol.