Eitem Agenda

Derbyn proffil gan y Bartneriaeth Diogelwch Cymunedol ar droseddau treisgar difrifol yng Nghaerdydd.  Rhoi cipolwg ar y cyd-destun lleol, proffil problemau ac asesiad anghenion strategol.

Mae'r eitem hon yn rhoi cyfle i'r Pwyllgor asesu'r cyd-destun presennol, y mesurau sydd ar waith a rôl y Bartneriaeth Diogelwch Cymunedol o ran mynd i'r afael â throseddau treisgar difrifol a'u hatal a dysgu am unrhyw heriau cysylltiedig. 

Bydd hefyd yn gyfle i'r Pwyllgor gael trosolwg o'r Strategaeth Atal Trais sydd ar ddod a chyfrannu at ei datblygiad. 

Wrth ystyried y pwnc hwn, bydd y gwaith craffu hwn yn cael ei rannu fel a ganlyn:

• Trosolwg o'r Cyd-destun Lleol. (4:35pm)

Bydd Cyd-Gadeiryddion y Bwrdd Arweinyddiaeth Diogelwch Cymunedol a'r Gr?p Cyflawni yn cael eu cefnogi gan swyddogion o'r Bwrdd i friffio'r Pwyllgor ar gyd-destun lleol troseddau treisgar difrifol yng Nghaerdydd.  Bydd y briffio’n cynnwys proffil problemau Caerdydd, gan gynnwys ystadegau a ffigurau diweddar a'r asesiad anghenion strategol sy'n gysylltiedig â'r mater.  Dilynir hyn gan Sesiwn Holi ac Ateb i Aelodau'r Pwyllgor i archwilio'r cyd-destun lleol yn fanwl.

• Gwaith y Gr?p Atal Trais a Datblygu’r Strategaeth Atal Trais (5:25pm)                                                             

I Aelodau'r Pwyllgor gael eu briffio ar y gwaith sy'n cael ei wneud gan y Bartneriaeth Diogelwch Cymunedol i fynd i'r afael â throseddau treisgar yng Nghaerdydd a’u hatal.  Bydd y briffio hefyd yn cynnwys cipolwg ar y Strategaeth Atal Trais sydd ar ddod.  Dilynir hyn gan Sesiwn Holi ac Ateb i Aelodau'r Pwyllgor archwilio'r gwaith i fynd i’r afael â’r mater hwn yn fanwl.

• I’w gadarnhau: Sesiwn Dystiolaeth gyda sefydliad sy'n berthnasol i droseddau treisgar difrifol (6:00pm)

I'r Aelodau ymgysylltu â chynrychiolaeth berthnasol i drafod effaith troseddau treisgar ar drigolion Caerdydd a chlywed eu safbwynt ar y ffordd orau o fynd i'r afael â'r mater. 

• Sylwadau Clo/Myfyrio (6:15pm)

Rhoi cyfle i’r Bartneriaeth Diogelwch Cymunedol ac Aelodau o’r Pwyllgor fyfyrio a gwneud unrhyw sylwadau pellach cyn i’r cyfarfod gloi.