Eitem Agenda

Derbyn yr Adroddiad Blynyddol 2020-21

Dywedwyd wrth yr Aelodau fod yr eitem hon ar yr agenda yn rhoi cyfle iddynt adolygu Adroddiad Blynyddol y Gwasanaeth Mabwysiadu Rhanbarthol ar gyfer 2020/21.

Croesawodd y Cadeirydd y Cynghorydd Graham Hinchey, Yr Aelod Cabinet dros Deuluoedd a Phlant; Angela Harris, Rheolwr Mabwysiadu Rhanbarthol; Sarah McGill, Cyfarwyddwr Corfforaethol, Pobl a Chymunedau; a Deborah Driffield, Cyfarwyddwr Gwasanaethau Plant.

Gwahoddodd y Cadeirydd yr Aelod Cabinet a'r Rheolwr Mabwysiadu Rhanbarthol i wneud datganiadau, ac ar ôl hynny gwahoddodd gwestiynau, sylwadau ac arsylwadau gan yr Aelodau.

Gan gyfeirio at blant anoddach eu lleoli, gofynnodd yr Aelodau a oedd cysylltiad rhwng y Plant sy'n Derbyn Gofal a'r rhai a roddwyd ar y Gofrestr Amddiffyn Plant.   Esboniodd swyddogion fod cysylltiad rhwng y plant anoddach i'w lleoli gan gynnwys Plant dros 4 oed, grwpiau brodyr a chwiorydd, y rhai sydd ag anghenion cymhleth ac o gefndiroedd ethnig gwahanol.  Sicrhaodd swyddogion yr Aelodau fod y mater yn cael ei drafod yn rheolaidd yn lleol ac ar lefel Genedlaethol.

Nododd yr Aelodau’r heriau a wynebir gan Wasanaeth Mabwysiadu’r Cymoedd, Caerdydd a’r Fro a gofynnodd beth oedd y prif feysydd sy'n peri pryder.  Dywedwyd wrth yr Aelodau mai'r prif heriau oedd Cymorth ar ôl Mabwysiadu ac roedd lleoli plant sydd ag anghenion cynyddol gymhleth yn golygu bod y Gwasanaeth yn wynebu costau cudd a beirniadol.

Trafododd yr Aelodau gyllid ac a oedd grant Llywodraeth Cymru yn gynaliadwy, nododd yr Aelodau fod mater cyllid ar yr agenda Cenedlaethol.

Cyfeiriodd yr Aelodau at y wybodaeth yn yr adroddiad blynyddol yn enwedig y graffiau a'r data a gofynnodd am eglurder ynghylch y term 'arall' a ddefnyddiwyd mewn perthynas â Phlant a Phobl Ifanc ar y gofrestr am dros 6 mis.  Cytunodd swyddogion i ystyried defnyddio'r term hwn.

Gofynnodd yr Aelodau a wnaed unrhyw feincnodi neu gymhariaeth â Dinasoedd Craidd.   Esboniodd swyddogion fod hyn yn rhywbeth y gallent ymchwilio iddo a'i ddwyn yn ôl i Bwyllgor yn y dyfodol.   Cynigiodd swyddogion hefyd ddod ag astudiaethau achos dienw i Bwyllgor yn y dyfodol.

PENDERFYNWYD:

Bod y Cadeirydd yn ysgrifennu ar ran y Pwyllgor at yr Aelod Cabinet er mwyn cyfleu eu sylwadau a’u harsylwadau yn ystod y drafodaeth ar y ffordd ymlaen.