Eitem Agenda

Cytunodd y Cyngor, yn ei gyfarfod blynyddol ar 23 Mai 2019, ar y Cylch Gorchwyl canlynol:

(a)   Hyrwyddo cyfleoedd bywyd a hawliau Plant sy’n Derbyn Gofal; Plant mewn angen; Pobl sy’n Gadael Gofal a phlant a phobl ifanc yn y system cyfiawnder troseddol ar draws y Cyngor, gydag Aelodau Etholedig a phartneriaid.

(b)   Hyrwyddo’n weithredol gwelliannau go iawn a gynhelir trwy sicrhau bod mecanweithiau ar waith i:

• gael gwybod ac ystyried barn, dymuniadau a theimladau plant a phobl ifanc, cyhyd ag sy’n ymarferol posibl;
• ystyried pwysigrwydd hyrwyddo a pharchu urddas plant a phobl ifanc;
• ystyried nodweddion, diwylliant a chredau'r plentyn neu'r person ifanc;
• ystyried pwysigrwydd rhoi cymorth priodol i alluogi’r plentyn neu’r person ifanc i gymryd rhan mewn penderfyniadau sy’n effeithio arnynt;
• ystyried pwysigrwydd hyrwyddo bod y ffordd y mae teulu’r plentyn yn magu’r plentyn yn gyson o ran hyrwyddo llesiant y plentyn;
• Pan fo’r plentyn yn iau na 16 oed, cael gwybod ac ystyried barn, dymuniadau a theimladau y rheiny sydd â chyfrifoldeb rhieniol am y plentyn i’r graddau y mae’n gyson â llesiant y plentyn ac yn ymarferol resymol
• Bod darpariaeth ddilynol ar gyfer pobl ifanc sy’n gadael gofal sy’n bodloni anghenion yr oedolion ifanc.

(c)   Llunio a chyflawni rhaglen o ddigwyddiadau ymgynghori, gwrando ac ymgysylltu gyda Phlant sy'n Derbyn Gofal, Plant mewn Angen a Phobl sy'n Gadael Gofal, yn ogystal ag ymweliadau i wasanaethau sy’n cynnig cyngor a chymorth i’r plant a’r bobl ifanc hynny.

(d)   Argymell ffyrdd y gellir datblygu gwasanaethau mwy integredig ym mhob un o Gyfarwyddiaethau'r Cyngor, ysgolion a rhanddeiliaid eraill â’r nod o sicrhau

·       Cyrhaeddiad a chyflawniad addysgol gwell i Blant sy’n Derbyn Gofal, Plant mewn Angen a Phobl sy'n Gadael Gofal;

·       Cymorth Emosiynol, Iechyd Meddwl a Llesiant i Blant sy’n Derbyn Gofal, Plant mewn Angen a Phobl sy'n Gadael Gofal;

·       Gwella gwasanaethau ar gyfer plant sydd ag anableddau

·       Annog Plant sy'n Derbyn Gofal, Plant mewn Angen a Phobl sy'n Gadael Gofal i ddod yn ddinasyddion actif.

(e)    Sicrhau bod systemau monitro perfformiad ar waith, ac adolygu data perfformiad yn rheolaidd i sicrhau gwelliannau cyson o ran cyflawniadau;

(f)    Meincnodi a dysgu gan arfer gorau Awdurdodau Lleol eraill

(g)   Derbyn yr holl adroddiadau archwilio a blynyddol perthnasol y Gwasanaethau Plant, gan gynnwys: Adroddiad Safonau Gofal Cartrefi Plant; Themâu Adolygiadau Ymarferion Plant, Adroddiad Blynyddol Ansawdd Gofal Maethu;  Adroddiad Blynyddol Ansawdd Gofal Mabwysiadu a Maethu; Comisiynu 4C; Adroddiad Blynyddol y Tu Allan i’r Ardal; Adroddiad Addysg; adroddiadau Cwynion gan Blant; a’r Adroddiad Blynyddol ar Eiriolaeth;

(h)   Llunio, monitro ac adolygu strategaeth rhianta corfforaethol, a sicrhau y caiff honno ei rhoi ar waith yn effeithiol drwy gynlluniau gwaith a rhaglenni hyfforddiant rhianta corfforaethol.

(i)     Cyflwyno adroddiad blynyddol ar gynnydd i’r Cabinet a gwneud argymhellion i’r Cabinet pan fo’r cyfrifoldeb am y swyddogaeth honno yn nwylo'r Cabinet;

(j)     Adrodd i’r Pwyllgor Craffu Plant a Phobl Ifanc yn ôl yr angen;

(k)   Argymell penodi aelodau cyfetholedig i'r Pwyllgor i'w cymeradwyo gan y Cyngor;

(l)     Cyflwyno Adroddiad Blynyddol ar waith y Pwyllgor i’r Cyngor Llawn.

(m)  Bydd gofyn i bob Aelod o’r Pwyllgor ddilyn hyfforddiant perthnasol i’w galluogi nhw i gyflawni eu dyletswyddau’n iawn.