Eitem Agenda

Holodd yr Aelodau ynghylch nifer y dewisiadau sydd ar gael i rieni mewn ysgolion ar y ffurflen gais.  Nodwyd y gall rhieni roi hyd at 5 dewis, tra bod cynnydd yn nifer y rhieni sy'n dewis yn cofnodi bod rhai yn dal yn afrealistig yngl?n â'u dewisiadau.  Mae'r arweiniad ar gwblhau wedi gwella fodd bynnag, derbynnir bod angen mwy o gefnogaeth mewn rhai meysydd wrth symud ymlaen.

Cododd Aelodau fater ansawdd y cyfieithiad Cymraeg ar y system ymgeisio ar-lein ac fe'u cynghorwyd bod llawer o waith wedi'i wneud yn awr i ansawdd y cyfieithiad mewnol ac mae hefyd wedi cael ei godi gyda Capita, un o'r enghreifftiau o'r newidiadau a wnaed yw yn hytrach na Ie neu nage, mae opsiynau ticio neu nodi croes yn cael eu defnyddio bellach i osgoi dryswch.

Codwyd pryderon ynghylch y dull ymgynghori; mae'n anodd i bobl ddeall yn union beth yw testun yr ymgynghori. 

Dywedwyd wrth y Pwyllgor bod yna her wirioneddol o ran y dewisiadau go iawn ac na ellir gwneud diwygiadau heb ymgynghori yn eu cylch.  Mae problem bob amser o ran gwneud yr ymgynghoriad yn glir ac yn ddealladwy.  Holodd yr Aelodau a fyddai'r newidiadau yn cael eu hamlygu yn yr ymgynghoriad ar wahân er mwyn galluogi'r cyhoedd i weld y newidiadau'n glir, yn enwedig os oedd y newidiadau arfaethedig yn fach. 

·        

Bu'r Aelodau'n trafod niferoedd derbyn, dewis ysgolion, gwahanu a'r angen i adolygu'r polisi derbyn. Nododd yr Aelodau y bydd rhieni'n gwneud penderfyniadau gwahanol wrth wneud cais am ysgol.  Mae angen ceisio delio â'r materion sy'n sbarduno pryder ymysg rhieni.  Bydd yn rhaid i ddalgylchoedd ardal gael eu hystyried maes o law o gofio am ehangu lleoedd.