Manylion y penderfyniad

CYTUNWYD ar y canlynol:

• Yn unol â threfniadau cytundebol, bydd darparwyr Gofal Ychwanegol a Byw â Chymorth y manylir arnynt yn y tabl ym mharagraff 32 o'r adroddiad hwn yn derbyn y cynnydd MPD contractiol blynyddol penodedig. Fodd bynnag, i gydnabod pwysau CBG, os yw'r codiad cytundebol blynyddol yn llai na 7.26% (mae'r ffigur hwn yn cynrychioli codiad MPD o 3% ar 40% o gost y contract, ynghyd â chynnydd CBG o 10.1% ar 60% o gost y contract), bydd y gwahaniaeth hefyd yn cael ei ddarparu, i gymryd cyfanswm y cynnydd blynyddol i 7.26%. Mae'r argymhelliad hwn ond yn berthnasol i drefniadau lle mae cyfradd berthnasol y MPD eisoes yn hysbys ar adeg ysgrifennu'r adroddiad hwn.

• Ar gyfer y contractau hynny lle nad yw'r codiad MPD yn hysbys ar hyn o bryd oherwydd bod y dyddiad y'i cymhwysir yn disgyn yn ddiweddarach yn y flwyddyn, cytunwyd y rhoddir ystyriaeth i ddigonolrwydd y codiad MPD blynyddol i dalu costau CBG bryd hynny.

• Darperir cymorth dros dro i dalu am y cynnydd Cyflog Byw Gwirioneddol (CBG) ar ffurf grant i'r darparwyr hynny y mae eu pen-blwydd dyddiad dechrau contract ar ôl 1 Ebrill, i gefnogi cynnal a chadw'r CBG yn ystod y cyfnod o fis Ebrill tan ben-blwydd dyddiad dechrau'r contract pan fydd y codiad blynyddol yn cael ei drosglwyddo. Bydd y grantiau'n adlewyrchu'r cynnydd canrannol ar gyfer CBG o 10.1% (y gwahaniaeth rhwng y gyfradd bresennol o £10.90 a'r gyfradd newydd o £12.00) a briodolir i 60% o gostau darparwyr y deellir eu bod yn ymwneud â staffio.

• Y cynnydd o 7.26% ar gyfer darparwyr y manylir arnynt ym mharagraffau 34 – 36 o'r adroddiad hwn, sy'n ystyried codiad MPD o 3% a'r cynnydd canran ar gyfer CBG o 10.1% (y gwahaniaeth rhwng y gyfradd bresennol o £10.90 a'r gyfradd newydd o £12.00) a briodolir i 60% o gostau darparwyr y deallir eu bod yn ymwneud â staffio.

Gweinyddu Codiadau yn y Cyfraddau

• Gweinyddir codiadau yn unol â chytundebau contractiol.  Y grant i'r darparwyr hynny y mae eu dyddiad pen-blwydd contract yn dechrau ar ôl 1 Ebrill, yn cwmpasu'r cyfnod o 1 Ebrill 2024 hyd at ben-blwydd dyddiad cychwyn pob contract pan fydd y codiad MPD yn daladwy.

Amrywiadau mewn Contractau

• Caiff Ffurflen Amrywio Contract ei chyflwyno i ddarparwyr sy’n derbyn y Cyflog Byw Gwirioneddol (a leolir yn Atodiad A), er mwyn sicrhau eu cytundeb i barhau i dalu'r Cyflog Byw Gwirioneddol i staff cymwys o leiaf o 1 Ebrill 2024.

·    Gwneud buddsoddiad teg yn y ddarpariaeth gwasanaethau o fewn yr adnoddau sydd ar gael, i reoli effeithiau ariannol newid costau a threfniadau yn y sector gofal cymdeithasol ynghylch cynnydd mewn cyflogau staff yn  gysylltiedig â gweithredu'r Cyflog Byw Gwirioneddol ar gyfer gweithwyr gofal cymdeithasol cymwys,

·    Gofyn am sicrwydd gan ddarparwyr sy'n derbyn codiad Cyflog Byw Gwirioneddol, eu bod yn parhau i dalu'r Cyflog Byw Gwirioneddol o leiaf i'w staff cymwys o 1 Ebrill 2024.