Manylion y penderfyniad

Mae’r project Hybiau wedi bod yn llwyddiannus iawn, gan uno gwasanaethau’r cyngor a gwasanaethau partner i gynnig darpariaeth leol gynhwysfawr yn seiliedig ar anghenion yr ardal.

Bydd yr adroddiad yn gosod y camau nesaf ar gyfer datblygu'r Hybiau a bydd yn cynnwys:

• Datblygu Hybiau Llesiant Cymunedol i ehangu gwasanaethau yng ngogledd a gorllewin y ddinas.
• Datblygu dull newydd o ran ymgysylltu cymunedol, fydd yn seiliedig yn yr Hybiau.
• Gwella gwasanaethau a gwella cydweithio yn Hyb y Llyfrgell Ganolog
• Dull newydd i wasanaethau llyfrgell i adeiladu ar arfer gorau ac i gyflwyno gwasanaethau llyfrgell o safon a digwyddiadau ledled y ddinas.

PENDERFYNWYD:

1.   cymeradwyo’r dull o ddatblygu Hybiau Llesiant Cymunedol yng ngogledd a gorllewin y ddinas a bod awdurdod yn cael ei ddirprwyo i Gyfarwyddwr Pobl a Chymunedau i fynd â hyn yn ei flaen mewn ymgynghoriad â’r Aelod Cabinet dros Dai a Chymunedau.

Bydd unrhyw gynigion sy'n cynnwys newid sylweddol i adeiladau cyfredol yn amodol ar adroddiad cabinet ar wahân.  

2.   cytuno i’r cynigion ar gyfer dull newydd o ymgysylltu â’r gymuned trwy gyflwyno Swyddogion Cynhwysiant Cymunedol sy’n aros yn yr Hyb

3.   cytuno i raglen grant ar gyfer Iechyd a Llesiant a Chlybiau Gwaith Cartref fel y nodir yn yr adroddiad

4.   cytuno i gynigion i wella gwasanaethau a gwella cydweithio yn Hyb y Llyfrgell Ganolog

5.   cymeradwyo gwaith i ddatblygu gwasanaetha llyfrgell ymhellach gan adeiladu ar arfer gorau i gyflwyno gwasanaethau llyfrgell o safon a digwyddiadau ledled y ddinas.