Manylion y mater

Mae gatiau lonydd cefn yn fesur syml ac effeithiol sy'n helpu i leihau lefelau o drosedd ac ymddygiad gwrthgymdeithasol a allai barhau er anfantais i gymunedau lleol fel arall.

Yn 2008, gweithredodd Cyngor Caerdydd bolisi gosod gatiau lonydd cefn, ac mae'n parhau i gefnogi a chydnabod pwysigrwydd y cynlluniau hyn. Ers hynny, mae gatiau wedi’u gosod mewn nwy na 180 o lonydd, gan fod o fudd i tua 7,500 eiddo.

Yn 2014, diddymwyd y pwerau deddfwriaethol ar gyfer gosod gatiau lonydd cefn dan y Ddeddf Priffyrdd, ac fe'u deddfwyd fel Gorchmynion Gwarchod Mannau Cyhoeddus dan Ddeddf Ymddygiad Gwrthgymdeithasol, Troseddu a Phlismona. Er ei bod yn ymddangos bod gorchmynion gosod gatiau cefn a GDMACau yn debyg, mae rhai gwahaniaethau gweithdrefnol a gyflwynwyd yn rhan o'r gofynion deddfwriaethol newydd.

Diben yr adroddiad hwn yw cynnig polisi a strategaeth gosod gatiau lonydd cefn newydd yn unol â'r gofynion deddfwriaethol cyfredol, gan nodi'r ystyriaethau a'r gweithdrefnau gweithredol sy'n gysylltiedig â chyflawni'r cynlluniau hyn.