Cynllunio Trefniadaeth Ysgolion: Ysgolion yr 21ain Ganrif (Band B): Ailddatblygu ac Ehangu Ysgol Uwchradd Cathays
PENDERFYNWYD:
1. i awdurdodi swyddogion i ymgynghori ar y cynigion canlynol
· Ehangu'r ysgol o 1,072 o leoedd (5.5 Dosbarth Mynediad gyda 247 lle yn y chweched dosbarth) i 1,450 o leoedd (8 Dosbarth Mynediad gyda 250 lle yn y chweched dosbarth) o fis Medi 2021;
· Disodli adeiladau Ysgol Uwchradd Cathays gyda llety newydd ar safle Canolfan y Maendy ger Ffordd y Goron a Heol y Gogledd;
· Ymestyn y Ganolfan Adnoddau Arbenigol (CAA) i ddysgwyr sydd â Chyflyrau ar y Sbectrwm Awtistig o 16 lle i 50 lle mewn ystafelloedd pwrpasol yn yr adeiladau ysgol newydd;
· Uwchraddio cyfleusterau cymunedol yn Cathays a Gabalfa drwy sicrhau bod cyfleusterau ysgol llawer gwell ar gael i'w defnyddio ar y cyd â'r gymuned leol ehangach;
· Darparu lle i'r gymuned leol barhau i gael mynediad i fannau agored oddi ar y ffordd at ddefnydd hamdden anffurfiol.
2. nodi y daw swyddogion ag adroddiad ar ganlyniad yr ymgynghoriad i gyfarfod yn y dyfodol er mwyn ceisio awdurdod i fynd ati i gyhoeddi cynigion yn unol ag adran 48 Deddf Safonau a Threfniadaeth Ysgolion (Cymru) 2013.