Cynghorwyr a chyfarfodydd
- Cabinet
- Calendr cyfarfodydd
- Pwyllgorau
- Cynghorau Plwyf
- Cyfansoddiad Cyngor
- Cynghorwyr
- Penderfyniadau
- Canlyniadau Etholiadau
- Cynlluniau Gwaith i’r Dyfodol
- Llyfrgell
- Cyfarfodydd
- Cyrff Allanol
- Cofrestrau
- Cydnabyddiaeth
- Craffu
- Grwpiau Holl Bleidiau’r Cyngor
- Chwilio Dogfennau
- Tanysgrifiwch am ddiweddariadau
- Gweddarlleidiadau
- Eich ACau
- Eich ASau
- Eich ASau Ewropeaidd
- Beth sy'n newydd
Eitem Agenda
Perfformiad Dros Dro Ysgolion Caerdydd 2017 ac adroddiad perfformiad Addysg a Gydol Oes Chwarter 1
· Bydd y Cynghorydd Sarah Merry (Dirprwy Arweinydd ac Aelod Cabinet dros Addysg, Cyflogaeth a Sgiliau) yn bresennol ac mae’n bosibl y bydd hi am wneud datganiad;
· Bydd Nick Batchelar (Cyfarwyddwr Addysg a Dysgu Gydol Oes) a’i swyddogion yn cyflwyno’r adroddiad ac ar gael i ateb unrhyw gwestiynau a allai fod gan Aelodau;
· Cwestiynau gan Aelodau’r Pwyllgor;
· Ystyrir camau i’w cymryd yn berthnasol i'r eitem hon ar ddiwedd y cyfarfod.
Cofnodion:
Derbyniwyd y Pwyllgor ddiweddariad ar lafar ar ganlyniadau perfformiad dros dro Ysgolion Caerdydd ar gyfer 2016/17. Cyflwynodd Cyfarwyddwr Addysg hefyd Adroddiad Perfformiad Chwarter 1 y Gyfarwyddiaeth ar gyfer 2017/18 cyn iddo gael ei ystyried gan y Cabinet ar 21 Medi 2017. Dywedwyd wrth Aelodau fod Adroddiad Perfformiad Chwarter 1 wedi’i atodi fel Atodiad A at yr adroddiad yn rhoi diweddariad ar gynnydd o ran cyflawni'r blaenoriaethau strategaeth wedi'u nodi yng Nghynllun Cyflawni'r Gyfarwyddiaeth 2017-19. Atodwyd Trosolwg o Berfformiad Addysg a Dysgu Gydol Oes yn Atodiad B.
Perfformiad Ysgol 2017
Derbyniwyd y Pwyllgor gyflwyniad byr ar ddarparu canlyniadau perfformiad. Cynhwysodd y cyflwyniad ddata ar ganlyniadau Cyfnod Sylfaen; Dangosyddion Craidd Cyfnod Allweddol (CA) 2 a Chyfnod Allweddol 3; Canlyniadau Plant sy’n Derbyn Prydau Ysgol Am Ddim (PYADD) yn erbyn Plant nad ydynt yn Derbyn PYADD yn y Cyfnod Sylfaen, CA2 a CA3; data CA4 a data CA5 dros dro.
Crynhoir y prif themâu wedi’u nodi yn y cyflwyniad fel a ganlyn:
· Mae canlyniadau’r Cyfnod Sylfaen ar gyfer Caerdydd yn uwch na chyfartaledd y Consortiwm
· Canlyniadau Plant sy’n Derbyn Prydau Ysgol Am Ddim (PYADD) yn erbyn Plant nad ydynt yn Derbyn PYADD – cyflawnodd 77% o ddisgyblion sy’n derbyn PYADD y lefel a ddisgwyliwyd o gymharu â 91% o ddisgyblion nad ydynt yn derbyn PYADD
· Cyflawnodd 89.4% o ddisgyblion CA2 y lefel a ddisgwyliwyd oedd yn unol â'r cyfartaledd
· 13% oedd y blwch mewn cyflawniad yn CA2 rhwng plant sy’n derbyn PYADD a phlant nad ydynt yn eu derbyn, sy'n uwch na chyfartaledd Cymru sef 14.3%
· Bu mân ostyngiad yn nghanlyniadau Mathemateg yn CA3
· Cyfrifwyd data CA4 dan drefniadau newydd.
Darparodd y data waelodlin newydd nad oes modd ei chymharu á data 2016.
· Roedd canlyniadau trothwy Lefel 1 CA4 yn is na chyfartaledd y consortiwm.
Effeithiodd nifer o ffactorau ar berfformiad. Bydd Aelodau yn derbyn manylion llawn yn adroddiad perfformiad Ionawr 2018.
· Roedd canlyniadau CA5 yn dda.
Perfformiodd bechgyn yn well na ferched am y tro cyntaf.
Cafodd Aelodau wahoddiad i wneud sylwad am hyn, codi cwestiynau neu cheisio eglurder am y wybodaeth a roddwyd. Mae’r trafodaethau hynny wedi eu crynhoi isod:
· Gofynnodd Aelodau a oedd yn rhesymol fod arholiadau blwyddyn 5 wedi’i marcio’n wahanol eleni.
Dywedodd swyddogion y cafodd
yr arholiadau eu marcio ar ddiwedd cyfnod astudio o 2
flynedd. Roedd disgyblion yn ymwybodol
y byddai’r arholiadau hyn yn cael eu marcio’n wahanol
o’r cychwyn.
· Nododd Aelodau’r data plant sy’n derbyn PYADD yn erbyn plant nad ydynt yn derbyn PYADD a’r adnoddau ychwanegol wedi’u dyrannu i bontio’r bwlch cyrhaeddiad rhwng y ddau gr?p.
Gofynnodd Aelodau a oedd
unrhyw ddata ar gael dan PYADD a fyddai’n ei gwneud yn anos
pontio’r bwlch cyrhaeddiad, megis plant gydag anghenion dysgu
ychwanegol neu Saesneg i siaradwyr ieithoedd eraill. Er enghraifft, awgrymodd Aelodau y gall sawl ysgol
bontio’r bwlch yn well gan fod llai o ddisgyblion Saesneg i
siaradwyr ieithoedd eraill yn eu mynychu. Dywedodd swyddogion fod llawer o ffactorau’n
effeithio ar gyrhaeddiad ac mae PYADD yn un o’r
rhain. Mae ysgolion yn dod yn fwy
soffistigedig o ran adnabod y materion hyn.
· Cadarnhaodd swyddogion y bydd data plant sy’n derbyn PYADD yn erbyn plant nad ydynt yn derbyn PYADD ar gael ar sail ysgol unigol yn y dyfodol.
O’r data hwnnw, bydd
yn bosibl asesu pa mor effeithiol y mae grant amddifadedd
disgyblion wedi bod. Bydd gan y
Pwyllgor gyfle i ymchwilio i’r materion hyn yn y cyfarfod mis
Ionawr 2018.
·
Gofynnodd Aelodau hefyd am
ddata ar gyrhaeddiad disgyblion sydd wedi atal hawlio PYADD a
manylion pellach am y cynllun gwella addysg heblaw yn yr
ysgol.
Adroddiad Perfformiad Chwarter 1
Cyflwynodd Cyfarwyddwr Addysg Adroddiad Perfformiad Chwarter 1 Addysg a Dysgu Gydol Oes ar gyfer 2017/18. Gan gyfeirio at y blaenoriaethau wedi’u nodi yn yr adroddiad, ac yn enwedig, yr angen i wella darpariaeth ar gyfer plant a phobl ifanc sydd ag anghenion dysgu ychwanegol, dywedwyd wrth Aelodau fod lleoliadau y tu allan i Gaerdydd yn gosod pwysau enfawr ar gyllidebau. Roedd angen brys i ehangu darpariaeth yn y Ddinas.
Blaenoriaeth 4 – Sicrhau bod lleoedd ysgol o ansawdd digonol i fodloni’r boblogaeth sy’n tyfu yn y Ddinas – dywedodd y Cyfarwyddwr fod gormod o geisiadau am gyllid Band B Ysgolion yr 21ain Ganrif yn cael eu derbyn. Mae’r Bwrdd Adnewyddu Asedau wedi’i sefydlu ac mae’n gweithio trwy flaenoriaethau a chyllidebau ar gyfer eleni i fynd i’r afael â materion cyflwr ac addasrwydd yn yr ystâd ysgolion. Mae fforddiadwyedd yn parhau i fod yn her allweddol gan fod nifer mawr o ysgolion yn y ddinas sydd mewn cyflwr gwael. Credodd y Cyfarwyddwr fod angen Cynllun Gwella Adnewyddu Asedau.
Blaenoriaeth 6 – Gwaith gyda Consortiwm Canolbarth Y De i ddatblygu ymhellach gapasiti’r system ysgolion fel y bydd yn gwella ei hun – dywedwyd wrth Aelodau fod ymdrechion wedi bod i gyflwyno mwy o gysondeb ym 4 consortiwm Cymru. Awgrymodd y Cyfarwyddwr y gallai newidiadau polisi o’r fath fod o ddiddordeb i’r Pwyllgor.
Blaenoriaeth 7 – Adeiladu partneriaethau effeithiol rhwng ysgolion, busnesau, y sector gwirfoddol a gwasanaethau cyhoeddus eang a chymunedau i gyfoethogi'r cwricwlwm ysgol a chryfhau llywodraethu ysgol – dywedwyd wrth Aelodau fod llwyddiannau nodedig wedi bod yn erbyn y flaenoriaeth hon, yn enwedig o ran Ysgol Uwchradd Y Dwyrain ac Ysgol Uwchradd Cymunedol y Dwyrain Caerdydd.
Gwahoddodd y Cadeirydd gwestiynau a sylwadau gan Aelodau’r Pwyllgor. Mae’r trafodaethau hynny wedi eu crynhoi isod:
· Gofynnodd Aelodau pa heriau sy’n wynebu cyflwyniad Band B Ysgolion yr 21ain Ganrif Caerdydd.
Dywedodd yr Aelod Cabinet
fod angen lleoedd ysgol ychwanegol, cyflwr adeiladau ysgol a gwella
darpariaeth ar gyfer pobl ifanc gydag anghenion dysgu ychwanegol yn
sylweddol ar Gaerdydd,
· Gofynnodd Aelodau i swyddogion sylwi ar recriwtio a chadw athrawon Cymraeg.
Dywedodd y Cyfarwyddwr, wrth
i ddarpariaeth barhau i ymestyn, fod yr angen am niferoedd mawr o
athrawon yn parhau i fod yn heriol. Mae
hefyd sawl her mewn ysgolion ffydd, yn enwedig yn y sector
Catholig.
· Cefnogodd Aelodau y fframwaith newydd ar gyfer mesur perfformiad plant sy'n derbyn gofal.
Dywedodd y Cyfarwyddwr, er
ei bod yn rhy gynnar i farnu’r fframwaith, ei fod wedi
croesawu canolbwynt ar y gr?p hwn. Mae
ystyriaeth yn cael ei roi i leoli disgyblion mewn ysgolion trwy
ddefnyddi’r lifer derbyn plant sy'n derbyn gofal.
· Mae datblygu Academi Arweinwyr Addysg Cymru wedi cynnig cyfle i arweinwyr addysg ddysgu gan ei gilydd a rhannu arferion.
Mae rhywfaint o gynnydd
wedi’i wneud o ran cyflwyno agwedd ffurfiol ar gyfer
penaethiaid uchelgeisiol.
· Nododd Aelodau fod Eithriadau Llawn Amser (ELlA) yn y categori ‘coch’ ar gyfer y cyfnod a bod hyn yn berthnasol i un ysgol yn benodol.
Gofynnodd i swyddogion sylwi. Nododd swyddogion fod y ELlAau yn ymwneud â dwy ysgol yng ngorllewin y ddinas sydd bellach wedi cau. Dywedodd y Cyfarwyddwr fod, yn ei farn ef, y gorddefnydd o ELlAau yn wrthgynhyrchiol ond bod amgylchiadau lle mae angen i ddisgyblion eraill gael eu hamddiffyn rhag ymddygiad drwg.
CYTUNWYD - Bod y Cadeirydd yn ysgrifennu ar ran y Pwyllgor at yr Aelod Cabinet er mwyn cyfleu eu sylwadau a’u harsylwadau.
Dogfennau ategol:
- Item 4 Q1 Performance Report (Education) Cover Report, eitem 14. PDF 61 KB
- Item 4 App A Q1 Performance Report, eitem 14. PDF 2 MB
- Item 4 App B Q1 2017 - 18 Performance Reort, eitem 14. PDF 82 KB
- Item 6 App C Q1 Performance, eitem 14. PDF 447 KB
I ofyn am ddogfen mewn fformat hygyrch e-bostiwch ni.