Eitem Agenda

1. Bydd Hannah Woodhouse a Huw Davies yn cyflwyno’r adroddiad a byddant ar gael i ateb unrhyw gwestiynau.

2. Cwestiynau’r Aelodau.

Croesawodd y Cadeirydd Hannah Woodhouse (Rheolwr Gyfarwyddwr, Consortiwm Canolbarth y De), Nick Batchelar (Cyfarwyddwr, Addysg a Dysgu Gydol Oes) i’r cyfarfod.

Yn gyntaf ymddiheurodd Hannah Woodhouse ar ran y Cynghorydd Huw David, Cadeirydd Pwyllgor Gwasanaeth Addysg ar y Cyd Consortiwm Canolbarth y De ac yna cyflwynodd y papur trafodaeth ar godi safonau yn Ysgolion Caerdydd.

Gwahoddodd y Cadeirydd gwestiynau a sylwadau gan yr Aelodau:

• Roedd pryderon gan yr Aelodau i nodi nad oes gwybodaeth yn yr adroddiad mewn perthynas â phobl nad ydynt mewn addysg, hyfforddiant neu gyflogaeth a dywedwyd wrthynt fod ffocws wedi bod ar bobl nad ydynt mewn addysg, hyfforddiant neu gyflogaeth wrth drafod gydag ysgolion uwchradd ac mae Ymgynghorwyd Her wedi bod yn trafod darpariaeth amgen gyda Phenaethiaid.   Fodd bynnag, derbyniwyd nad oedd y wybodaeth hon yn yr adroddiad wedi’i roi i’r Pwyllgor hwn.

• Ar ôl cwestiwn gan yr Aelodau dywedodd Ms Woodhouse nad yw adnoddau wedi'u torri ar gyfer Woodlands, ysgol gyda mesurau arbennig ar hyn o bryd a dywedwyd bod yr Ymgynghorwyr Her yn gweithio gyda'r ysgol.  Dywedodd y Cyfarwyddwr mai mater o effeithlonrwydd yw e ac nid mater o adnodd.  Mae angen arbenigedd arbenigol ar Ymgynghorwyr Her. Mae gwaith wedi bod ar y gweill i ddiwygio’r cwricwlwm. 

• Holodd yr Aelodau a yw arweinyddiaeth wael yn cael ei thargedu gan y Consortiwm a dywedwyd wrthynt fod rhaglenni wedi'u creu'n arbennig ar gyfer Penaethiaid newydd a'r rhai hynny sydd wedi bod yn Benaethiaid ers peth amser.  Mae proses categoreiddio sy'n nodi ysgolion lle bo arweinyddiaeth a llywodraethu'r achos pryder.  MAe cymorth hefyd ar gael gan Benaethiaid eraill.   Dywedodd y Cyfarwyddwr fod y Consortiwm wedi cael effaith mwy sylweddol mewn ysgolion cynradd; mae rhesymau dros hynny - pwll llai o ysgolion; mae Challenge Cymru  wedi bod yn cymryd rhan fwy yn y gwaith; mae adrodd yn well; ac mae recriwtio wedi bod yn fater ond nid oes angen i'r Consortiwm fod yn fwy actif mewn ysgolion uwchradd.

• Cyfeiriodd yr Aelodau at y wybodaeth a roddwyd mewn perthynas â chanlyniadau categoreiddio diweddar a gofynnon nhw am eglurhad o ran sut gallan nhw fod yn si?r bod yr holl asesiadau'n cael eu cwblhau'n gyson.  Dywedodd y Rheolwr Gyfarwyddwr ei bod yn ystyried yr asesiadau.   Weithiau gellir darllen canlyniadau mewn ffordd wahanol, mae elfen ddynol.   Dylid nodi nad oes categoreiddio rhanbarthol.

• Dywedodd y Cyfarwyddwr ei fod wedi herio'r Consortiwm ar wybodaeth a roddwyd er enghraifft:  arian a werir ar staffio; addasrwydd Ymgynghorwyr Her; effeithlonrwydd rhywfaint o’r datblygu; a faint maent wedi’u hymwreiddio a’u halinio gyda rhannau eraill yr awdurdod.

• Dywedwyd wrth yr Aelodau bod yr Ymgynghorwyr Her yn weithwyr proffesiynol medrus iawn, y mae’r rhan fwyaf ohonynt wedi cael profiadau o arwain.  Mae’n bwysig bod y bobl gywir yn cael eu recriwtio, eu bod yn cydweithio, a bod hyfforddiant o ansawdd ar gael. O ganlyniad i gyfyngiadau ar y gyllideb, mae anawsterau o hyd o ran recriwtio ar gyfer ysgolion uwchradd.

• Gofynnodd yr Aelodau am wybodaeth am faint o Benaethiaid neu Uwch Arweinwyr wedi’u gwahardd ar gyflog llawn ar hyn o bryd.   Dywedodd Swyddogion nad yw gwybodaeth ar gael ar hyn o bryd.  Dywedwyd wrth yr Aelodau fod yr awdurdod yn rhoi cymorth AD a bod y Consortiwm yn chwarae rôl wrth froceru unrhyw arweinyddiaeth dros dro, er enghraifft y defnydd o Ddirprwy o ysgol arall ac er nad oes gwybodaeth ar gael am gostau, byddai’n rhaid i unrhyw arweinyddiaeth ychwanegol gael ei hariannu hefyd.   

CYTUNWYD – Bod y Cadeirydd ar ran y Pwyllgor yn ysgrifennu at y Consortiwm yn cyfleu arsylwadau'r Pwyllgor.