Eitem Agenda

Mae’r Cyngor hwn yn nodi’r canlynol:

 Ers 2017, mae Caerdydd wedi gweld cyfraddau cynyddol o ymddygiad gwrthgymdeithasol, troseddau trefn gyhoeddus, a rhai sy’n gysylltiedig â chyllyll a chyffuriau.

· Yn ddiweddar mewn arolwg o drigolion ar draws 15 o ddinasoedd mawr y DU, Caerdydd oedd y lle lleiaf diogel i fyw ynddo

· Dywedodd 38% o bobl nad oedden nhw'n teimlo'n ddiogel o gwbl ar y strydoedd yn y nos, tra bod 31% arall yn poeni am eu diogelwch yn ystod y dydd.

· Roedd 26% o oedolion yn y pôl wedi bod yn dyst trosedd

· Yn 2020, y troseddau mwyaf cyffredin oedd ymddygiad gwrthgymdeithasol, ac yna trais ac ymosodiadau rhywiol.

· Mae ymyriadau i leihau troseddu, neu ofn troseddau, yn gysylltiedig â gwell iechyd a lles mewn cymunedau.

Mae’r Cyngor hwn yn galw ar y Cabinet i:

· Gynyddu nifer y swyddogion ymddygiad gwrthgymdeithasol sy'n gweithio i'r cyngor a gwella cysylltiadau â'r heddlu

· Comisiynu adolygiad o ddarpariaeth ieuenctid i gynnwys plant a phobl ifanc yn yr hyn sydd ei angen arnynt. Cydnabyddir bod clybiau ieuenctid yn ddull pwysig o atal pobl ifanc sy'n agored i niwed rhag ymuno â gangiau a chymryd rhan mewn troseddu

· Cynyddu'r cymorth sydd ar gael i sefydliadau cymunedol a chlybiau chwaraeon i ehangu gwasanaethau mewn ardaloedd gydag ymddygiad gwrthgymdeithasol uchel

· Defnyddio cynllunio a dylunio'n well fel rhwystr ymwthiol i droseddau drwy oleuo a lleihau lleoliadau peryglus. Dylai pob prosiect gofod cyhoeddus gynnwys datganiad ar sut y disgwylir i'r dyluniad effeithio ar weithgarwch troseddol

· Ehangu rhwydwaith teledu cylch cyfyng ARC i wardiau allanol Caerdydd i fynd i'r afael â throseddu ac ymddygiad gwrthgymdeithasol.

· Gweithio gyda chwmnïau bysus i ailsefydlu bysus nos i leihau'r risg y bydd pobl yn dioddef trosedd ar eu ffordd adref.

· Ehangu'r rhwydwaith gwarchod cymdogaethau, cefnogi datblygiad grwpiau newydd a recriwtio gwirfoddolwyr.

· Datblygu cofrestr masnachwyr dibynadwy o bobl fasnach gymwysedig sy'n gweithio yn y ddinas i osgoi masnachwyr twyllodrus sy'n elwa o drigolion sy'n agored i niwed.

· Diogelu cyllid ar gyfer gwasanaethau arbenigol i ddioddefwyr trais er mwyn ateb yn ddigonol i’r galw a ragwelir yn ystod ac ar ôl y pandemig.

· Gweithio gyda Heddlu De Cymru i gomisiynu adolygiad o droseddu a diogelwch cymunedol a dysgu o ddinasoedd eraill.

·Gweithio gyda Chomisiynydd yr Heddlu a Throseddu De Cymru i hyrwyddo polisi lleihau niwed, gan gynnwys creu ystafelloedd defnyddio cyffuriau cyfreithiol i gymryd cyffuriau peryglus oddi ar ein strydoedd.

Cynigiwyd gan y Cynghorydd Carter

Secondiwyd gan y Cynghorydd Wood