Mae’r adroddiad hwn yn galluogi'r Pwyllgor i gael eu briffio ar y cynnydd a wneir i weithredu’r argymhellion yn yr adroddiad ar yr ymchwiliad.
Cofnodion:
Dywedwyd wrth yr Aelodau bod yr eitem hon yn galluogi'r Pwyllgor i adolygu ac asesu'r cynnydd sy'n cael ei wneud yn ogystal ag unrhyw gamau i'w cymryd yn y dyfodol o ran gweithredu argymhellion yr ymchwiliad ar y cyd.
Croesawodd y Cadeirydd y Cynghorydd Linda Thorne (Aelod Cabinet dros Dai a Chymunedau) ar gyfer yr eitem hon a'i gwahodd i wneud datganiad lle tynnodd sylw at bwysigrwydd y wybodaeth a'r argymhellion a ddarparwyd o ganlyniad i'r ymchwiliad, a'i bod wedi cael ei chydnabod gan yr ymrwymiadau a wnaed yn y Cynllun Corfforaethol.
Croesawodd y Cadeirydd Sarah McGill (Cyfarwyddwr Corfforaethol, Pobl a Chymunedau), Alison Jones (Rheolwr Diogelwch Cymunedol Dros Dro) a Phillip Norton (Arweinydd Cyflawniad Addysg wedi'i Thargedu) i'r cyfarfod. Cafodd yr Aelodau cyflwyniad a oedd yn amlinellu'r ymatebion i'r argymhellion a ddarparwyd o ganlyniad i'r ymchwiliad.
Rhoddodd y Cadeirydd gyfle i’r Aelodau ofyn cwestiynau a rhoi sylwadau.
|
Cyfeiriodd yr Aelodau at y gwasanaethau anodd eu cyrraedd, a gofynnwyd a fyddai unrhyw ddarpariaeth ar gyfer gwasanaethau lloeren. Yn enwedig lle nad oes Hyb ar hyn o bryd. Nododd yr Aelodau bod angen gwneud y defnydd gorau o'r asedau sydd ar gael, mae'n bwysig gallu nodi bylchau ac anghenion a lle mae grwpiau sy'n barod i ddarparu gweithgareddau. Yn yr hinsawdd ar hyn o bryd, nid oes rhagor o arian ar gael.
|
|
Trafododd yr aelodau Addysg Heblaw yn yr Ysgol, gwaharddiadau a rôl Llywodraethwyr. Dywedwyd wrth yr Aelodau fod rhaglen hyfforddi llywodraethwyr ar gael ar gyfer y rhai sy'n ymwneud â gwaharddiadau. Mae'n bwysig sicrhau bod unrhyw symudiadau'n cael eu rheoli'n dda, gan mai dim ond nifer fach o ysgolion sy'n cael eu tandanysgrifio ac mae'n bwysig sicrhau nad yw disgyblion sy'n cael eu gwahardd yn cyrraedd yr un ysgolion yn y pen draw.
|
|
Holodd yr Aelodau a oedd y Gwasanaeth Ieuenctid yn eistedd o fewn y Gyfarwyddiaeth gywir, ac fe'u cynghorwyd y teimlid y dylai eistedd gydag Addysg a bod yna elfennau gwahanol, yn amlwg, ond bod dull gweithredu ar y cyd rhwng Tai, Cymunedau, Addysg a Gwasanaethau Plant yn hanfodol. Mynegwyd pryder ynghylch natur y cymorth a ddarperid yn enwedig ar ôl oriau ysgol ac yn ystod gwyliau ysgol. Trafododd yr Aelodau y posibilrwydd o ddefnyddio gwirfoddolwyr. Mae angen ymgysylltu o fewn y system oedolion ac ieuenctid.
|
|
Nododd yr Aelodau ei bod yn bwysig ystyried y bylchau daearyddol wrth ystyried dull gweithredu ar sail ardal a sicrhau bod ymrwymiad i ddarparu adnoddau ychwanegol mewn ardaloedd lle mae bwlch, a bod yr adnoddau hynny yn integreiddio mor effeithiol â phosibl, yn enwedig lle mae brwdfrydedd ac ymrwymiad gwirioneddol gan y gymuned. Mae yna ardaloedd sydd dan eu sang â chyfleusterau a sefydliadau sy'n delio â materion cyffuriau, diod a digartrefedd. Lle mae pobl ifanc yn dyst i ymddygiad gwrthgymdeithasol sy'n gysylltiedig â'r materion hynny o ddydd i ddydd. Mae angen rhoi ystyriaeth hefyd i ble y lleolir yr adnoddau/cyfleusterau hynny. |
CYTUNWYD - Bod y Cadeirydd yn ysgrifennu ar ran y Pwyllgor at yr Aelod Cabinet er mwyn cyfleu eu sylwadau a’u harsylwadau a thrafodwyd y ffordd ymlaen.
Dogfennau ategol: