Cynghorwyr a chyfarfodydd
- Cabinet
- Calendr cyfarfodydd
- Pwyllgorau
- Cynghorau Plwyf
- Cyfansoddiad Cyngor
- Cynghorwyr
- Penderfyniadau
- Canlyniadau Etholiadau
- Cynlluniau Gwaith i’r Dyfodol
- Llyfrgell
- Cyfarfodydd
- Cyrff Allanol
- Cofrestrau
- Cydnabyddiaeth
- Craffu
- Grwpiau Holl Bleidiau’r Cyngor
- Chwilio Dogfennau
- Tanysgrifiwch am ddiweddariadau
- Gweddarlleidiadau
- Eich ACau
- Eich ASau
- Eich ASau Ewropeaidd
- Beth sy'n newydd
Eitem Agenda
Adroddiad Blynyddol Bwrdd Diogelu Rhanbarthol Caerdydd a Bro Morgannwg-2018-2019
- Cyfarfod Pwyllgor Craffu Plant a Phobl Ifanc, Dydd Mawrth, 24ain Medi, 2019 4.30 pm (Item 30.)
- Gweld y datganiadau o gysylltiad ar gyfer eitem 30.
Cynnal adolygiad ac asesiad o’r gwaith a wneir fel y nodir yn yr adroddiad blynyddol.
Cofnodion:
Dywedwyd wrth yr Aelodau fod yr adroddiad hwn wedi rhoi cyfle i'r Pwyllgor adolygu ac asesu gwaith y Bwrdd Diogelu Rhanbarthol ar gyfer y flwyddyn ddiwethaf. Mae'r adroddiad yn ymdrin â diogelu Oedolion a Phlant, felly atgoffwyd yr Aelodau gall y Pwyllgor ond Craffu ar faterion sy'n ymwneud â Phlant a Phobl Ifanc.
Croesawodd y Cadeirydd y Cynghorydd Chris Weaver, Aelod y Cabinet dros Gyllid, Moderneiddio a Pherfformiad, Claire Marchant, Cyfarwyddwr y Gwasanaethau Cymdeithasol a Kate Bishop, Rheolwr Busnes y Bwrdd a gofynnodd iddynt gyflwyno Adroddiad Blynyddol y Bwrdd i'r Pwyllgor.
Rhoddodd y Cadeirydd gyfle i’r aelodau ofyn cwestiynau a rhoi sylwadau:
Cyfeiriodd yr Aelodau at agenda Prevent a phryderon ynghylch sut yr oedd hyn yn cael ei ddatblygu. Gofynnodd yr Aelodau pa waith oedd yn cael ei wneud gyda'r cymunedau ffydd i sicrhau eu bod yn cael eu datblygu'n briodol. Eglurodd y swyddogion eu bod yn darparu hyfforddiant ar gyfer pob Mosg yng Nghaerdydd a'r Fro. Datblygasant bolisi ar gyfer mosgiau a lleoliadau Islamaidd eraill yn 2017; roedd hwn bellach yn cael ei ddatblygu ar gyfer grwpiau ffydd eraill. Roedd Prevent wedi bod ar agenda cyfarfod y Bwrdd Diogelu, yna aeth pob asiantaeth unigol ati i'w datblygu; roedd mwy o waith i'w wneud ond roedd cysylltiadau agos wedi'u hadeiladu i'w seilio ar 2019/20. Dywedodd y Cyfarwyddwr fod gwaith da wedi'i wneud hyd yn hyn i ddeall pob cymuned ar draws Caerdydd, ac i weithio gyda hwy i ddatblygu eu polisïau eu hunain. Mae gan Prevent ei deddfwriaeth benodol ei hun ac mae'n mynd i fwy o fanylder na diogelu cyffredinol, sy'n benodol i'r grwpiau.
Roedd yr Aelodau'n cyfeirio at y gwaith Rheoli Trothwy yn parhau ac i'r Gr?p Gorchwyl a Gorffen ar Anffurfio Organau Cenhedlu Benywod a gofynnwyd sut y caiff y rhain eu dadansoddi o ran effeithiolrwydd. Eglurodd y Cyfarwyddwr eu bod yn olrhain effaith y gwaith y maent yn ei wneud; bod archwiliadau'n cael eu cynnal; bod goblygiadau polisi ac ati, a bod y Bwrdd yn ystyried y cyfan gyda'i gilydd, gan weithio mewn partneriaeth â'n cymunedau ein hunain. Nododd yr Aelodau'r gwaith tasg a gorffen blaenorol ar Anffurfio Organau Cenhedlu Benywod ac roeddent o'r farn y gallai fod yn ddefnyddiol rhannu hyn â swyddogion.
O ran Adolygiadau Diogelu Plant, gofynnodd yr Aelodau sut y penderfynwyd ar yr achosion, gan nodi mai dim ond 5 a oedd wedi'u cwblhau; gan ofyn a oedd proses ar gael i aelodau fwydo i mewn i'r achosion sy'n cael eu hadolygu a sut mae'r adolygiadau yn bwydo i mewn i ymarferwyr ar lawr gwlad trwy adborth ac ati. Esboniodd swyddogion fod meini prawf penodol i'w bodloni er mwyn cynnal adolygiadau Diogelu Plant, mae'r meini prawf hyn ar y wefan ac maent ar gael gan y fforwm atgyfeirio hefyd. Mae achosion wedyn yn mynd i'r is-gr?p Adolygiad Ymarfer Plant/Adolygiad Ymarfer Oedolion, sy'n penderfynu a yw'n bodloni'r meini prawf, os felly argymhellir i gyd-gadeiryddion y Bwrdd, os ydynt yn cytuno, yna mae'r broses yn cychwyn at Lywodraeth Cymru. Mae'n broses hirfaith. Dywedodd y Cyfarwyddwr fod yr holl ethos yn ymwneud â dysgu, buddsoddi mewn digwyddiadau dysgu ac edrych ar ddysgu a chanlyniadau, gan sicrhau bod argymhellion yn cael eu hadlewyrchu i ymarferwyr; er mwyn llywio arferion polisi, gweithdrefnau, archwiliadau ac ati. Mae'r uned fusnes a'r is-gr?p Adolygiad Ymarfer Plant/Adolygiad Ymarfer Oedolion yn cadw'r holl argymhellion y maent yn eu lledaenu i Aelodau'r Bwrdd ac ymarferwyr fel bod y wybodaeth yn cael ei bwydo yn ôl i'r Bwrdd.
Cyfeiriodd yr Aelodau at yr Is-gr?p Archwilio Plant, gan nodi mai dim ond 1 o bob 4 blaenoriaeth oedd wedi'u bodloni, 1 wedi'i ddwyn ymlaen i'r flwyddyn nesaf a 2 wedi methu. Gofynnodd yr Aelodau a oedd y ffocws wedi bod ar ormod o bethau ac roedd blaenoriaethau wedi llithro a beth oedd yn cael ei wneud y flwyddyn nesaf i fynd i'r afael â hyn. Eglurodd y swyddogion fod y Bwrdd yn edrych ar is-grwpiau i sicrhau eu bod yn gweithio fel y dylent a bod eu blaenoriaethau'n tynnu allan o gynlluniau blynyddol ac argymhelliad yr Adolygiad Ymarfer Plant. Mae angen cynlluniau gwaith symlach wrth symud ymlaen. Ychwanegodd y Cyfarwyddwr ei fod yn ymwneud ag effeithiolrwydd, cryfhau trefniadau cadeirydd yr is-gr?p; dylai'r Cadeirydd fod o'r Bwrdd Diogelu Rhanbarthol ac yn llwyr ddeall y blaenoriaethau cyffredinol.
Gofynnodd yr Aelodau a oedd unrhyw dystiolaeth bod awdurdodau lleol yng Nghymru yn defnyddio Cartrefi Plant anghofrestredig, fel yr adroddwyd yn y cyfryngau. Dywedodd y Cyfarwyddwr fod hyn yn cyfeirio at ddefnyddio llety byw â chymorth a bod Caerdydd yn defnyddio byw â chymorth yn rheolaidd pan fo yn y cynllun gofal; byddai'n cael ei ddiogelu a'i adolygu'n rheolaidd. Bu achlysuron pan na fydd yn bosibl bodloni cynllun gofal am gyfnod byr iawn a gellir rhoi trefniadau diogelwch ar waith hyd nes y gellir cyflawni hyn. Gofynnodd yr Aelodau a fyddai'r BDRh yn edrych ar hyn a chawsant wybod ei fod yn flaenoriaeth i'r BDRh.
CYTUNWYD - Bod y Cadeirydd yn ysgrifennu ar ran y Pwyllgor at yr Aelod Cabinet er mwyn cyfleu eu sylwadau a’u harsylwadau a thrafodwyd y ffordd ymlaen.
Dogfennau ategol:
- Blaenadroddiad yr adroddiad diogelu blynyddol, eitem 30. PDF 70 KB
- FINAL-English-Cardiff-and-Vale-of-Glamorgan-RSB-Annual-Report-2018-19 Adroddiad-Blynyddol-BDRh-Caerdydd-a-Bro-Morgannwg-2019-10-Saesneg-TERFYNOL, eitem 30. PDF 2 MB
I ofyn am ddogfen mewn fformat hygyrch e-bostiwch ni.