Eitem Agenda

Trafododd aelodau rai enghreifftiau o broblemau diogelu sydd wedi eu codi, cyfeiriodd Swyddogion at enghraifft o bryder a godwyd  yngl?n â gyrrwr tacsi.  Bu angen rhoi ystyriaeth i’r trefniadau a roddwyd ar waith gan yr awdurdod lleol i fynd i’r afael â phroblemau o’r fath, a’r weithdrefn am atal person o’r fath rhag bod yn yrrwr neu sicrhau bod gweithdrefnau diogelu ar waith.  Cyfeiriodd Swyddogion hefyd at enghraifft o gasglwr gwastraff yn casglu sbwriel ac yn dod yn ymwybodol o blentyn yn y cartref mewn trallod.  Dyma enghraifft o gydnabod problem bosibl ac adrodd arno er mwyn galluogi ymchwiliad ynddo.

Mynegodd aelodau bryderon o ran a oes gan dîm mor fach â thîm trwyddedu y capasiti i weithredu’n llawn ar yr uchelgeisiau o ran diogelu, ond pwysleisiodd fod angen sicrhau bod diogelu wedi ei ymwreiddio fel y gall yr holl staff ddeall eu cyfrifoldeb a'r hyn sy'n ofynnol.

Nododd aelodau fod yr hyfforddiant sylfaenol ymwybyddiaeth o ddiogelu wedi ei sicrhau, gall y staff gael gafael ar yr hyfforddiant gyda dyfeisiau, darperir hyfforddiant ar wahân ar gyfer y rhai nad oes ganddynt fynediad.

Gofynnodd aelodau am y cysylltiad rhwng y polisi a’r strategaeth ‘Prevent’.  Nodwyd bod y gwaith yn mynd rhagddo gyda phartneriaid, er bod ganddo broblemau, i sicrhau y cynhelir yr hyfforddiant yn gywir.  Wrth ystyried y gofynion statudol, mae'n hanfodol bod yr elfennau hyfforddiant yn cael eu cysylltu â'i gilydd.