Manylion y penderfyniad

Mae’r amddiffynfeydd arfordirol ledled blaendraeth Caerdydd mewn cyflwr gwael iawn ac maent yn erydu’n gyflym iawn.

Mae achos busnes amlinellol wedi’i greu gyda’r nod o wella’r amddiffynfeydd arfordirol ac afonol presennol i gynnig mwy o ddiogelwch i bobl ac eiddo yn ne-ddwyrain Caerdydd rhag erydu arfordirol a pherygl o lifogydd, ac i atal erydiad mewn dwy safle tirlenwi sydd wedi’u datgomisiynu a phriffordd fabwysiedig Rover Way.

Mae llawer o’r arfordir ledled ardal y project yn erydu, a chyda chynnydd disgwyliedig yn lefel y môr yn sgil newid yn yr hinsawdd, bydd y risg o lifogydd ac erydiad yn cynyddu yn y dyfodol. Bydd y cynllun arfaethedig yn rheoli’r risg o lifogydd i 1,116 eiddo preswyl a 72 eiddo amhreswyl dros 100 mlynedd, ynghyd ag atal erydiad pellach. Mae’r cynllun yn gyfuniad o amddiffynfeydd cerrig, codi argloddiau a gosod pyst seiliau.

Ceisir cymeradwyaeth i fwrw ymlaen â’r project i’r cam Dylunio Manwl yn rhan o Raglen Reoli Risgiau Arfordirol Llywodraeth Cymru.

PENDERFYNWYD:

1.          caffael dylunio ac adeiladu manwl yr amddiffyniadau arfordirol gwerth £11m.

2.            Darparu cyllid ar raniad 75% gan Lywodraeth Cymru a 25% gan Gyngor Caerdydd.

3.          ymrwymo’r cyllid angenrheidiol o 25% i ddarparu’r amddiffyniadau arfordirol yn unol â Rhaglen Reoli Risgiau Arfordirol.

4.          ailasesu’r cynllun yn dilyn cwblhau’r dyluniad manwl i gadarnhau goblygiadau ariannol adeiladu a dichonoldeb.