Manylion y penderfyniad

Nod y strategaeth yw pennu rôl a phrif ymrwymiadau’r Cyngor wrth gefnogi‘r broses bontio i danwydd trafnidiaeth dim carbon ag allyriadau isel. Mae’r strategaeth yn rhan o elfen ar nodau a chyfrifoldebau ehangach y Cyngor yn ymwneud â rheoli Ansawdd yr Aer, a Lleihau Carbon.

Mae’r Camau Strategol yn ymwneud ag:

·         ein harferion ein hunain o ran caffael cerbydau fflyd;

·         mesurau i gefnogi’r gymuned ehangach wrth gael mynediad at seilwaith gwefru cerbydau;

·         ein dylanwad ar weithredwyr trafnidiaeth gyhoeddus, gwasanaethau tacsi a sefydliadau partner; a

chefnogi arloesedd a chamau i ehangu’r cyflenwad uniongyrchol o ffynonellau ynni adnewyddadwy lleol ar gyfer trafnidiaeth.

PENDERFYNWYD: cymeradwyo strategaeth a chamau arfaethedig y Cyngor ar gyfer cyflawni pontio i drafnidiaeth allyriadau isel yn y Ddinas